Unidas Podemos comprométese coas necesidades das Anpas dos colexios públicos de Ourense

9D9EC6A1-5123-4F4A-BE8C-CA7ADD002AF7
9D9EC6A1-5123-4F4A-BE8C-CA7ADD002AF7
Unidas Podemos comprométese coas necesidades das Anpas dos colexios públicos de Ourense

9D9EC6A1-5123-4F4A-BE8C-CA7ADD002AF7Ourense, 24 de maio

Integrantes da candidatura de Unidas Podemos en Ourense ás eleccións do próximo domingo mantiveron un encontro coa Federación de Anpas Públicas da cidade, co obxectivo de coñecer a súa labor e as súas demandas.

En concreto, na xuntanza participaron Dolores Lluch, Sandra Armesto e Paloma Manzano, que felicitaron aos integrantes da federación pola “labor tan importante que están a facer nos colexios públicos da cidade”.

Durante o encontro, o presidente da federación, José Antonio Álvarez Caride, explicou os proxectos en marcha e lamentou ás “trabas” e a “excesiva burocracia” que, dende as administracións públicas, dificultan a súa labor.

En particular, o portavoz da entidade gabouse do seu servizo de cátering, que cumple unhas condicións de calidade moi esixentes para os nenos da cidade, como o requisito de ter cociña propia a menos de 20 minutos do colexio máis apartado, apostar polos productos frescos e ecolóxicos, basearse no comercio local e fomentar a educación dentro dos comedores, así como ter unha ratio baixa de nenos por monitor ou a reducción de envases.

RECLAMACIÓNS

Por outra parte, as integrantes da lista de Unidas Podemos interesáronse polas súas reclamacións, que pasan polas críticas aos atrasos da administración local.

A federación, indicaron, precisa que as bolsas de comedor saian a tempo para poder facer unha previsión adecuada das prazas e que as subvencións se convoquen e sexan aprobadas antes de comezar o curso escolar, para evitar a incertidume que limita a súa capacidade de acción. 

Ao mesmo tempo, criticaron que estean asumindo dende a federación “funcións que son máis propias da administración”, polo que reivindicaron un maior apoio.

Unidas Podemos amosouse completamente de acordo coa necesidade de incrementar o apoio e a atención ás necesidades das Anpas ourensanas, así como simplificar a burocracia, incidindo no papel da entidade en cuestións fundamentais como a alimentación dos escolares da cidade.